AwaRagI kI bAndiSh

yu jakad rakha hai awaragi ne mujhe ki chhodati nahi

phir bhi roj phasata hu khud ko duniya ke dhakosalo mein.

jIvAn kE iS chHaD mEin

Jivan ke is chhad mein, main jeena chahta hoon.

Khule gagan ke pankchhiyon sang udna chahta hoon.

Main jivanrupi pushp ke kapolo ko kholna chahta hoon.

Hridyarupi veena ke taro ko chhedna chahata hoon.

Sangit ke surmayi chandon ko padna chahta hoon.

Jivan ke is pal mein , main jeena chahta hoon.

Har kadvi se kadvi hala ko peena chahta hoon.

Khushiyon ko chodo, main gumo ke sath khelna chahta hoon.

Har chunauti ko harakar, vijayi hona chahta hoon.

Agar dum hai hasti mein toh, markar bhi amar hona chahta hoon.

Jivan ke is chhad mein, main jeena chahta hoon

aAwaRagI kE aagE

ae shab, tujhme wo kashish kaha, jo unke nigaho ke kajal me hai.
ae jhoke, tujhme wo masti kaha, jo unke kadamo ke aahat me hai.
yu to aawaragi ki panah mein shukun se basar ho rahi thi zindagi,
magar awaragi, tujhme wo bandish kaha jo unke adao me hai...

JaManE kI fiDrAt

Pahle humne socha ke jamana badal de,

lekin dosto wo hamein badalane lage,

aur jab hum unki maan ke badal gaye,

to unhone khud aap ko hi badal diya,

Pucha bahut wajah kya hai badalane ki,

to unhone muskarate huye ye bola ki,

kuch sarphiro ne jamana hi badal diya.

bAnDagI kHuDa kI

Surkh hawayein thi, thand ki thi ek raat,

bas yu hi baitha hua kuch soch raha tha,

kya khoya kya paya maine is zindagi mein,

beete lamhe waqt ke taraju pe tol raha tha,

kabhi gum ka palda bhari to kabhi khusi ka,

kabhi gunaho ka bhari to kabhi duwayo ka,

tabhi ek aawaz gunji dil se, chhod in baato ko,

is waqt ko yu jaya na kar, laga ise bandagi me,

yu laga jaise khuda hi mujhse kuch bol rha tha

ZInDaGi kE aAyaM

kalakaro ke meharbaan aur bhi hain,

hushnwalo ke kadardaan aur bhi hain,

zindagi mein bas ishq hi nahi,

zindagi ke aayam aur bhi hain